klubbkveld med oxdog og god stemning

Onsdag 19. mars arrangerte Stord Padelklubb ein triveleg klubbkveld med både fagleg og sosialt innhald. Rundt 20 medlem frå klubben deltok denne kvelden, der vi hadde besøk av Oxdog Norge, Sport of Padel og Acenta.

Fagleg påfyll og racket-prat

Carsten frå Acenta, Jesper frå Sport of Padel og Kim frå Oxdog tok turen til Stord. Kim heldt eit kort foredrag der han presenterte Oxdog sine racketer og teknologi. Dette ga nyttig innsikt i val av utstyr og utviklinga innan padelutstyr.

Nye drakter og Americano

Under klubbkvelden presenterte vi også dei nye klubbdraktene, noko som blei tatt godt imot av medlemane. Etter presentasjonen vart det spelt Amerikano-turnering i hallen, og som vanleg skapte dette god stemning og engasjement.

Sosial samling med pizza

Etter spel og aktivitet samla alle seg til ein sosial avslutning med pizza og gode samtalar.

Stord Padelklubb vil takke alle som møtte opp, og rette ei spesiell takk til Carsten, Jesper og Kim for å ta turen til oss. Dette var ein kjekk kveld som bygger samhald og engasjement i tråd med Stord Padelklubb sin ånd!